Ուկրաինայի ընդդիմությունը հաստատել է, որ բոլոր ցուցարարները ազատ կարձակվեն, և իրենք պատրաստ են ազատել Կիևի քաղաքապետարանի շենքը և Գրուշևսկու փողոցը, հայտնել է «Բատկիվշչինա» կուսակցության պատգամավոր Սերգեյ Սոբոլևը: Փոխանցում է ուկրաինական «Ինտերֆաքս»-ը:
«Մեր հաշվարկներով, մեր ակտիվիստներից մոտ 2,5 հազար հոգի կան, որոնց վրա տարբեր գործեր են հարուցվել և որոնք գտնվում են կամ տնային կալանքի, կամ պատգամավորների երաշխավորության տակ: Պետք է խոստովանել, որ նրանցից ոչ մեկը բանտում չէ», – ասել է Սոբոլևը «5-րդ ալիք» հեռուստակայանի եթերում: Այդուհանդերձ, եթե մինչև փետրվարի 17-ը համաներման մասին օրենքը ուժի մեջ չմտնի, «ապա կնշանակի, որ ամեն պահի նրանք կարող են նորից ձերբակալվել և բանտ ուղարկվել»:
Ընդդիմության պարտականությունների կատարման մասով Սոբոլևն ասել է, որ իրենք արդեն սկսել են դրանց իրականացումը: Մասնավորապես, սկսվել է Գրուշևսկի փողոցում շարժի ապահովումը և քաղաքապետարանի շենքը վերադարձնելու աշխատանքները, որը գտնվում է «Սվոբոդա» կուսակցության տրամադրության տակ:
Պատրաստեց Հովհաննես ԻՇԽԱՆՅԱՆԸ
