ԵԱՀԿ-ի Լրատվամիջոցների ազատության հարցերով ներկայացուցիչ Դունյա Միյատովիչն իր մտահոգությունն է հայտնել հայ ոստիկանների կողմից Երեւանում փետրվարի 12-ի ցույցերի լուսաբանման ընթացքում լրագրողների գործունեությանը խոչընդոտելու կապակցությամբ
«Բռնությունը լրագրողների հանդեպ անընդունելի է: Առավել մտահոգիչ է այն փաստը, որ ոստիկանության աշխատակիցներն են պատասխանատու լրագրողներին օգնելու եւ պաշտպանելու համար, իրենք էլ բռնություն են կիրառել նրանց նկատմամբ»,- Հայաստանի իշխանություններին ուղղված նամակում գրել է Միյատովիչը:
ԵԱՀԿ ներկայացուցիչը կոչ է արել իշխանություններին միջադեպի մանրամասն ու թափանցիկ հետաքննություն անցկացնել եւ անել հնարավոր ամեն ինչ ապագայում լրատվամիջոցների ներկայացուցիչների նկատմամբ ոստիկանության ոչ իրավական գործողություններից խուսափելու համար:
Հիշեցնենք, որ միջադեպը տեղի է ունեցել այն ժամանակ, երբ ՀԱԿ ակտիվիստները մարտի 1-ին հանրահավաքի իրազեկման թռուցիկներ էին բաժանում: Նրանց խոչընդոտել են մի խումբ երիտասարդներ, որից հետո ՀԱԿ ակտիվիստներին բերման են ենթարկել ոստիկանություն: Ինչպես պարզվել է, երիտասարդների շարքում եղել են իշխող Հայաստանի Հանրապետական կուսակցության ներկայացուցիչներ:
Կարդացեք նաև
Համացանցում հայտնվել է տեսանյութ, որտեղ երեւում է, ինչպես են լրագրող Անի Գեւորգյանի նկատմամբ բռնություն կիրառում: Լրագրողի խոսքով՝ ոստիկանները խլել են իր տեսախցիկը, իսկ բաժնի պետը հարվածել է իրեն:
Թարգմանությունը՝ News.am-ի
