ՊԵԿ-ը խախտեց «Տեղեկատվության ազատության մասին» օրենքը
Փետրվարի 6-ին Aravot.am–ը Պետական եկամուտների կոմիտեի (ՊԵԿ) լրատվական ծառայությանը էլեկտրոնային հասցեով գրավոր հարցեր է ուղարկել: Ամեն օր, ՊԵԿ-ից, մեր հարցին, թե ե՞րբ կպատասխանեք, ասում են` ընթացքի մեջ է: Երեկ օրենքով սահմանված ժամկետը լրացավ, որ ՊԵԿ-ը պետք է պատասխաներ Aravot.am-ի հարցերին, սակայն այդպես էլ պատասխան չստացանք:
ՊԵԿ-ը խախտեց «Տեղեկատվության ազատության մասին» օրենքի` 9-րդ հոդվածը, համաձայն որի, հարցմանը պետք է պատասխան տրվի 5 օրում: Իսկ, եթե տվյալ մարմինը չի տեղավորվում այդ ժամկետում, ապա գոնե պետք է այդ մասին գրավոր հայտներ ու պատճառաբաներ, սակայն կոմիտեից դա էլ չարեցին:
Արձագանքելով բազմաթիվ գործատուների դժգոհություններին, թե Սահմանադրական դատարանի` կուտակային կենսաթոշակների պարտադիր բաղադրիչի գործունեության կասեցումը, ոչ մի կերպ չի անդրադառնում իրենց վրա, քանի որ հարկային մարմնինն էլեկտրոնային հաշվետվությունները ներկայացնելիս համակարգը ավտոմատ հաշվարկում է նաեւ սոցվճարը եւ չի ընդունվում այն հաշվետվությունը, եթե ինչ-որ գործողություն կատարված չի լինում, ՊԵԿ-ից խնդրել էինք պարզաբանել` ի՞նչ պետք է անեն կամ ինչպե՞ս պետք է ներկայացնեն հաշվետվությունները այն գործատուները, որոնք չեն ցանկանում պարտադիր կուտակային վճարները փոխանցել մինչեւ ՍԴ-ի` մարտին կայացվելիք որոշումը:
Կարդացեք նաև
Aravot.am-ը սպասում է ՊԵԿ-ի պատասխանին:
Լուսինե ԲՈՒԴԱՂՅԱՆ
