Օրերս Շիրակի մարզի փոքր ու միջին ձեռնարկատիրության զարգացման ազգային կենտրոնում քննարկում էին կազմակերպել «Ոլորտների վերլուծություն և շուկայի ուսումնասիրություն» թեմայով `ձեռնարկատիրական երիտասարդության համար : Երիտասարդ մասնակիցներից մեկը` Բասեն գյուղի 34-ամյա ոչխարաբույծ Գուրգեն Պետրոսյանը, դժգոհում էր, որ կառավարությունը իրենց ոչնչով չի օգնում ոչխարները իրացնելու, արտահանելու: Արդյունքում ստացվում է այն, որ ոչխարաբույծը պարտքերի մեջ է հայտնվում, քանի որ բանկերից փող վերցնելով ու շահույթ չստանալու պատճառով ոչխարին ոչ միայն անասնակեր չի հասցնում գնել, այլ դեղորայք:
«Կատաստրոֆիկ վիճակ է Հայաստանում, տնտեսագիտության օրենքները չեն գործում, ներկայացնում են, թե սաղ սիրուն է, գեղեցիկ է, բայց շուկայում աննորմալություն է: Կռիշ պիտի ունենաս էս գործի համար: Մենք օչխարները իրացնելու խնդիր ունենք: Պարսկաստանից մենակ կարմիր օչխար են ուզում , մեր օչխարներն էլ սպիտակ են, կարմիր օչխար միայն եզդիներն են պահում, հիմա ի՞նչ անենք, ներկե՞նք մեր օչխարներին, ներկես կարմիր էլ դարձնես, էգուց կասեն սպիտակ օխչար ենք ուզում: Գյուղատնտեսության նախարարը եկավ, մոտեցա, ասի իրացման պրոբլեմ ունեմ, ասեց` տղա ջան, գնա օգոստոսին օչխարներդ կգան կտանեն, բայց էդպես էլ ոչ նախարարի երեսը տեսանք, ոչ էլ պարսիկի… »:
Ոչխարաբույծի դժգոհություններն ու ՓՄՁ ԶԱԿ-ում տեղի ունեցած քննարկումները` տեսանյութում:
Նունե ԱՐԵՎՇԱՏՅԱՆ
