Aravot.am-ը ԵՊՀ հասարակայնության հետ կապերի եւ լրատվության վարչության պետ Կարեն Գրիգորյանից հետաքրքրվեց, քանի որ բուհը հինգ տոկոսի պահումը չի արել աշխատողներից, այդ դեպքում ինչպես են կարգավորել պարտադիր կուտակային կենսաթոշակային հարցն իրենց մոտ. «Մենք գումարը հաշվարկել ենք, բայց չենք վճարել այդ ֆոնդերին: Սպասում ենք մինչեւ Սահմանադրական դատարանի մարտի որոշումը: Պահումներն արվել են, բայց դեռ չենք ուղարկել եւ որպեսզի չզգացվի այդ հինգ տոկոսը, մենք նրանց հավելավճար ենք տվել: Աշխատավարձերի բարձրացում ենք արել 7,5 տոկոսով: Այսպես թե այնպես, փոխհատուցվում է այդ գումարը, բայց ցանկացանք, որ մարդիկ այս երեք ամիսը մի քիչ ավելի շատ ստանան իրենց նախկին աշխատավարձից: Իսկ եթե պահումը արվի, ապա կշարունակեն ստանալ այնքան`ինչքան նախորդ տարի էր»:
Կարեն Գրիգորյանը նաեւ ավելացրեց, որ աշխատավարձերի բարձրացման մասին իրենք դեռ աշնանն էին մտածել, որ հունվարի մեկից բարձրացվեր ու անկախ այդ հինգ տոկոսից` բարձրացումը պահպանվելու է:
Եվա ՀԱԿՈԲՅԱՆ
Այսինքն` ԵՊ Հ-ն էլ է կողմ կոտակայինին…
Ինչպես հասկանալ` աշխատավարձը բարձրացվել է, որպեսզի փոխհատուցվի կոտակայինի
պահումները …????