Լվովի 26-ամյա արվեստագետ Սերգեյ Ռադկևիչը ուկրաինական «Գազետա» պարբերականին պատմել է, թե ինչպես է ստեղծել Կիևի ցույցերի ժամանակ մահացած Սերգեյ Նիգոյանի 2 մետրանոց նկարը:
Ռադկևիչն ասել է, որ նկարի վրա ութ ժամ է աշխատել՝ օգտագործելով ակրիլային ներկեր և ոսկեջուր. «Պատի վրա երեք անցք կար: Այնպես արեցի, որ դրանցից երկուսը երևան իբրև փամփուշտի հետքեր, որոնցով սպանել են Նիգոյանին. գլխին և մեջքին: Հայաստանում, որտեղից որ նրա արմատներն են, գերեզմանաքարերի վրա փորագրում են մահացածների դիմանկարներն ու ուրվագծերը: Ես երկար եմ մտածել, թե ինչպես պատկերեմ Սերգեյի դեմքը ու սրբապատկերային տեսք եմ տվել, փակել եմ աչքերը»:
Նկարի անունն է Սերգեյ Նիգոյան. Հայկական մոտիվ. Հոգուն հանգստություն:
21-ամյա Սերգեյ Նիգոյանը մահացել է հունվարի 22-ին հրազենային վնասվածքից:
Պատրաստեց Հովհաննես ԻՇԽԱՆՅԱՆԸ
