ԵԱՀԿ Միսնկի խմբի ամերիկացի համանախագահ Ջեյմս Ուորլիքը հարց է բարձրացրել, թե ինչու Հայաստանն ու Ադրբեջանը լիարժեք բանակցություններ չսկսեն Լեռնային Ղարաբաղի շուրջ:
«Հունական և Թուրքական Կիպրոսները հայտարարել են, որ ամբողջական բանակցություններ կունենան հակամարտության կարգավորման հարցում: Ինչո՞ւ նույնը չի կարող լինել Լեռնային Ղարաբաղի հարցում», – Թվիթերի իր էջում գրել է Ուորլիքը:
Լեռնային Ղարաբաղի արտաքին գործերի նախարարությունը Թվիթերի իր էջում՝ ի պատասխան այս հարցադրման, գրել է. «Մենք համաձայն ենք, որ ճիշտ ժամանակն է վերականգնելու ամբողջական բանակցությունները՝ Լեռնային Ղարաբաղի ուղղակի մասնակցությամբ»:
Ադրբեջանի ԱԳՆ խոսնակ Էլման Աբդուլաևն Թվիթերի իր էջում նույն առիթով գրել է. «Ահա, թե ինչու ենք մենք բանակցում Երևանի հետ՝ կարգավորելու Լեռնային Ղարաբաղի հակամարտությունը և Խաղաղության համապարփակ համաձայնագիր ստորագրելու»:
Կարդացեք նաև
Կիպրոսի հունական և թուրքական մասերի առաջնորդները 18 ամսյա ընդմիջումից հետո փետրվարի 11-ին վերսկսեցին բանակցությունները:
Պատրաստեց Հովհաննես ԻՇԽԱՆՅԱՆԸ
