Ժուռնալիստների միության նախագահ Աստղիկ Գեւորգյանը դեռ չի հասցրել տեղեկանալ` երեկ լրագրող ԱՆի Գեւորգյանին ոստիկանական բաժանմունքում ապտակելու մասին լուրին:
«Առաջին անգամ եմ լսում, որ լրագրող Անիի հետ նման բան է կատարվել: Որտեղի՞ց պիտի իմանայինք: Հանգամանքներին ծանոթ չեմ, բայց դատապարտում եմ, ի՞նչ է նշանակում լրագրողին, այն էլ աղջիկ լրագրողին ապտակել: Նախարարների խորհրդի անդամ երկրներին պարտավորեցնում են օրենքով, որ ոստիկանության գործողությունները լրագրողների նկատմամբ չափավորված լինեն եւ երբեք նման դրսեւորումներ չլինեն, բայց այս դեպքը ցույց է տալիս` փաստորեն մեր պետությունը չի կատարում ԵԽ նախարարների կոմիտեի որոշումը: Մենք էլ հպարտանում էինք, որ ոստիկանները բավականին զուսպ են պահում իրենց ցույցերի ժամանակ »,- ասաց տիկին Գեւորգյանը:
Մեր հարցին` եթե Ժուռնալիստների միությունը չի էլ իմանում լրագրողների դեմ կատարված բռնությունների մասին, ինչպե՞ս է նրանց աջակցելու, նրանց շահերը պաշտպանելու, տիկին Գեւորգյանը պատասխանեց. «Մենք ամեն մի խմբագրությունում ունենք ներկայացուցիչ, պայմանավորվածություն ունենք, որ մեզ լուր տան, որ դիմենք պատկան մարմիններին: Օրինակ մարզերից գալիս են լուրեր եւ մենք հետամուտ ենք լինում, բայց Անիի մասին առաջին անգամ եմ լսում, որտեղի՞ց իմանանք, եթե տեղեկատվություն չունենք»:
Կարդացեք նաև
Արփինե ՍԻՄՈՆՅԱՆ
Տեսանյութը՝ Սարգիս Գեւորգյանի
Որտեղի՞ց պիտի տեղյակ լիներ, եթե անհաղորդ է լրագրողների առօրյա կյանքին ու հոգսերին:Այդ ինչպե՞ս եղավ, որ լսվեց տիկին Գևորգյանի ձայնը:Գրում եմ այս տողերն ու միաժամանակ մտածում՝ ժուռնալիստների միությունը, որի անդամն եմ նաև ես, գոյություն ունի՞ և եթե ունի՝ ինչո՞վ է զբաղված: