Ըստ «Փաստինֆո»– ի, Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավաuության դատարանի նախկին դատավոր Սուրիկ Ղազարյանը, ում լիազորությունները դադարեցվել են Հայաստանի Հանրապետության Նախագահի՝ 2011 թվականի մարտի 19-ի հրամանագրով՝ դատավորի պաշտոնում նշանակմանը խոչընդոտող ֆիզիկական արատ կամ հիվանդություն ձեռք բերելու հիմքով, նույն թվականի ապրիլից պայքարում է իր սոցիալական երաշխիքների համար, սակայն՝ ապարդյուն: Սուրիկ Ղազարյանին կենսաթոշակ նշանակելիս կիրառվել է դատավորի պաշտոնում իր լիազորությունները դադարեցվելու պահին գործող՝ «ՀՀ դատական օրենքն ուժի մեջ մտնելու մասին» օրենքի 2.1-րդ փոփոխված հոդվածը:
Համաձայն դրա՝ դատավորի պաշտոնում 10 և ավելի տարի աշխատած և դատավորի պաշտոնում նշանակմանը խոչընդոտող ֆիզիկական արատ կամ հիվանդություն ձեռք բերելու հիմքով պաշտոնից ազատված անձի` «Պետական կենսաթոշակների մասին» ՀՀ օրենքով նշանակված տարիքային կենսաթոշակի նկատմամբ սահմանվում է ամենամյա հավելավճար՝ նրա վերջին 1 տարվա ընթացքում որպես դատավոր զբաղեցրած պաշտոնի համար ստացած միջին աշխատավարձի 55 տոկոսի և պետական կենսաթոշակի տարբերության չափով։ Ըստ էության, օրենսդրական այս փոփոխությունից հետո, երբ դադարեցվել են Ս.Ղազարյանի լիազորությունները, և նա դեռևս ձեռք բերած չի եղել տարիքային կենսաթոշակի իրավունք, հավելավճար է սահմանվել միայն տարիքային կենսաթոշակի նկատմամբ, հետևաբար՝ նա չի ունեցել կենսաթոշակի նկատմամբ նախատեսված հավելավճարներ ստանալու իրավունք։
Մինչդեռ մինչ օրենսդրական այս փոփոխությունը հավելավճար սահմանված էր կենսաթոշակի բոլոր տեսակների նկատմամբ: Ս.Ղազարյանը 2011թ. ապրիլի 8-ին հայց է ներկայացրել ՀՀ վարչական դատարան՝ ընդդեմ ՀՀ աշխատանքի և սոցիալական հարցերի նախարարության սոցիալական ապահովության պետական ծառայության՝ 2011թ. ապրիլի 4-ի վարչական ակտն ամբողջությամբ անվավեր ճանաչելու և ծառայությանը կենսաթոշակ և ամենամսյա հավելավճար նշանակելուն պարտավորեցնելու պահանջով: Վարչական դատարանը 2013թ. փետրվարի 22-ի վճռով հայցը մերժել է: Վարչական վերաքննիչ դատարանը 2013թ. հունիսի 13-ի որոշմամբ մերժել է նախկին դատավորի վերաքննիչ բողոքը՝ իրավաչափ համարելով կիրառված իրավադրույթները, իսկ Վճռաբեկ դատարանը 2013թ. օգոստոսի 14-ի որոշմամբ մերժել է վարույթ ընդունել վճռաբեկ բողոքը:
Նյութի մանրամասները կարդացեք սկզբնաղբյուր կայքում
անգամ նախկին դատավորն է անզոր ՀՀ վարչական համակարգի դեմ…..էս ինչ ենք անում հայերով….