Այսօր «Ելակետ» մամուլի ակումբում Վրաստանի հարցերով փորձագետ Ջոնի Մելիքյանը խոսեց Վրաստանի ներքին ու արտաքին քաղաքականության վերջին զարգացումների մասին:
«Վրաստանում դեռ շարունակում են դատական գործընթացները նախկին նախարարների և վարչապետի միջև: Ինչ վերաբերում է արտաքին քաղաքականությանը, նորընտիր նախագահը սկսել է իր տարածաշրջանային այցելությունները: Այս տարի առաջին այցը եղավ Թուրքիա և այսօր վերջացնում է իր այցելությունը Բաքվում: Ուսումնասիրելով պատվիրակության անդամներին՝ կարելի է եզրակացնել, որ Բաքվի այցն ավելի ճանաչողական է, քանի որ նախագահի հետ է նաև իր աշխատակազմի ղեկավարը, արտաքին քաղաքականության խորհրդատուն, ազգային անվտանգության խորհրդի քարտուղարը և այլն: Թուրքիա կատարած այցի ժամանակ պատվիրակությունն ավելի մեծ էր»,-ասաց Ջոնի Մելիքյանը:
Փորձագետը հիշեցրեց, որ անցած տարի առաջին այցելությունը եղել է Հայաստան և Վրաստանի նորընտիր նախագահը փորձում է բալանսավորել քայլերը:
«Առաջին այցը Թուրքիա ոչինչ չի նշանակում, սա ընդամենը ճանաչողական այց է»,-ասաց նա, բայց նաև ավելացրեց, որ անցած տարվա Եվրամիության ճգնաժամը որոշ չափով ազդել է Վրաստանի տնտեսության վրա և այս պահի դրությամբ Ադրբեջանն ու Թուրքիան ունեն հնարավորություն Վրաստանի տնտեսության մեջ ներդնելու համար:
Կարդացեք նաև
Քրիստինե ԳՐԻԳՈՐՅԱՆ
