«Խաչիկյանի եւ մյուսների գործով» այդպես էլ ամբաստանյալ Հովհաննես Գրիգորյանի վիճակը չկարգավորվեց, չկայունացավ: Ինչպես տեղեկացրեց Կենտրոն եւ Նորք-Մարաշ վարչական շրջանների ընդհանուր իրավասության դատարանի դատավոր Մեսրոպ Մակյանը, ամբաստանյալին ներարկումներ են արել. նրա վիճակն այնպիսին է, որ բժիշկը չի հեռանում նրա մոտից, որպեսզի վատթարացում չլինի: Շտապօգնության բժիշկը պահանջել էր նաեւ ամբաստանյալի հիվանդության պատմությունը:
Թե մեղադրողը, թե պաշտպանները կողմ էին, որ առանց ամբաստանյալի նիստը չշարունակվեր: Դատարանը հետաձգեց նիստը , այն նշանակվեց փետրվարի 27-ին: Դատավորն ասաց, որ Դատապարտյալների հիվանդանոցից կշարունակի զեկուցումներ ստանալ ամբաստանյալի առողջության վերաբերյալ:
Ռուզան ՄԻՆԱՍՅԱՆ
