Այսօր երեկոյան Հայ ազգային կոնգրեսի երիտասարդների իրազեկման ակցիան խոչընդոտող քաղաքացիական համազգեստով երիտասարդներից առնվազն երկուսը, պարզվում է, ՀՀԿ երիտթեւի անդամներ են: Նրանցից Հայկ Ղեւոնդյանը Հայաստանի ագրարային համալսարանի ուսխորհրդի նախագահն է, իսկ Դանիել Հայրապետյանն ուսխորհրդի անդամ է: Իսկ ամենաակտիվը նրանցից (ինչպես կարելի է դատել ներկայացված տեսանյութից) ոմն Գեւորգ Սողոմոնյանն է, որը 2012-ին ժամանակավորապես զբաղեցրել է Փանոս Թերլեմեզյանի անվան գեղարվեստի պետական քոլեջի տնօրենի պաշտոնը:
Այս Հայկ Ղեւոնդյանն ու Դանիել Հայրապետյանը Ֆեյսբուքում հանդես են գալիս ՀՀԿ կրծքանշաններով, որոշ լուսանկարներում նրանք ՀՀԿ երիտթեւի ղեկավար Կարեն Ավագյանի եւ Երեւանի քաղաքապետ Տարոն Մարգարյանի հետ են, իսկ մի դեպքում էլ Հայկ Ղեւոնդյանը հայտնվել է Սերժ Սարգսյանի հետ համատեղ նկարի ետին պլանում: Հայկ Ղեւոնդյանը նաեւ երիտասարդական խորհրդարանի անդամ է:
Մանրամասները կարող եք կարդալ՝ ilur.am-ի կայքում
Տեսանյութը՝ Zham.am-ի
