Քիչ առաջ էներգետիկայի եւ բնական պաշարների նախարար Արմեն Մովսիսյանի հետ հանդիպումից «Նաիրիտի» աշխատակիցները դուրս եկան հիասթափված: Նրանց պատմելով՝ նախարարը որեւէ լուրջ ու հիմնավորված պատասխան չի տվել իրենց հարցերին, միայն ասել է, որ մինչեւ այս ամսվա 15-ը նրանք կստանան մեկ ամսվա աշխատավարձը:
Իսկ կառավարության ներկայացուցիչ Ալեքսանդր Ղազարյանը աշխատակիցներին վստահեցնում էր, որ 3 ամսից «Նաիրիտի» աշխատակիցների բոլոր խնդիրները լուծվելու են եւ իրենք այլեւս նման հարցերով չեն դիմի կառավարությանը:
«Նաիրիտցիները» նաեւ պատմեցին, որ նախարարը հստակ պատասխան չի տվել տարածված այն լուրերին, թե «Նաիրիտը» վերավաճառվելու է ռուսական ընկերության:
«Նաիրիտի» աշխատակիցները այս պահին կառավարության շենքից շարժվում են դեպի նախագահական նստավայր:
Կարդացեք նաև
Արփինե ՍԻՄՈՆՅԱՆ
