«Ողջունում եմ երկու ձեռքով, շատ լավ են արել, ու լավ կլիներ բոլորը միանան, ոչ թե անհատ-անհատ կարծիք հայտնեինք այս երեւույթի կապակցությամբ: Նաեւ լավ կլիներ, որ էլի կոլեկտիվներ միանան, գործադուլ անեն: Յուրաքանչյուր քաղաքական ընդվզում ողջունելի է, մանավանդ` այս պարտադիր կուտակային կենսաթոշակային համակարգի խայտառակության դեմ»,- Aravot.am-ի հարցին պատասխանելով` «Անուշ» օպերայի անձնակազմը բոյկոտել ու բեմ դուրս չի եկել, ինչպե՞ս եք գնահատում նրանց քայլը, ասաց դերասան Սերգեյ Դանիելյանը:
Նա նաեւ նշեց, որ եթե ինքն էլ օպերային երգիչ լիներ, կմիանար անձնակազմին ու չնայած այդ օրենքն իր վրա չի տարածվում՝ տարիքից ելնելով, բայց, իր կարծիքով` «Աննախադեպ խուլիգանություն է: Ավելի ճիշտ` Սահմանադրությամբ արվող խուլիգանություն»:
Եվա ՀԱԿՈԲՅԱՆ
