«Ա1+» հեռուստաընկերության տնօրեն Մեսրոպ Մովսիսյանն այն կարծիքին չէ, որ միանգամից Եվրոպա գնալն էլ փայլուն կլինի. «Դա էլ մտածելու բան է»:
Բանախոսը նաեւ իր զարմանքն արտահայտեց. «Իսկ ինչի՞ անպայման պիտի ինչ-որ մի տեղ գնանք: Համագործակցությունը բացառվո՞ւմ է: Բոլորի հետ էլ համագործակցենք, նաեւ Ադրբեջանի հետ, իհարկե, ոչ զինվորական գործերում»:
Մեսրոպ Մովսիսյանն այն կարծիքին է, որ Հայաստանի կառավարությունն ու չինովնիկները միայն իրենց անձնական շահերի մասին են մտածում. «Նախագահն, ընդհանրապես, չի էլ մտածում: Ինքն ասում է`ոնց որ ստացվի»:
Այսօր Մամուլի ազգային ակումբի`Հայաստանում Ֆրանսիայի դեսպանության աջակցությամբ կազմակերպված «Հայաստանի ճանապարհը դեպի Եվրոպա. Խոչընդոտներ եւ հնարավորություններ» թեմայով քննարկման ժամանակ պարոն Մովսիսյանը խոսեց նաեւ ՄՄ-ին անդամակցելու՝ նախագահ Սերժ Սարգսյանի որոշման, լրատվական դաշտի հնարավոր ազդեցությունների մասին:
Կարդացեք նաև
Մանրամասները`տեսանյութում
«Հրապարակ» օրաթերթի գլխավոր խմբագիր Արմինե Օհանյանին էլ զարմացրեց ՀՀ-ում Ֆրանսիայի դեսպանի կարծիքն այն մասին, որ հայերը եվրոպամետ են: Տիկին Օհանյանի գնահատմամբ`դեսպանը մեր մասին ավելի լավ կարծիքի է:
Լրատվական դաշտում առկա բացերի մասին Արմինե Օհանյանի տեսակետը` տեսանյութում
Նելլի ԳՐԻԳՈՐՅԱՆ
