«Հարավկովկասյան երկաթուղիներ» ընկերության աշխատակիցներն այս պահին ընկերության Տիգրան Մեծ փողոցի վրա գտնվող գրասենյակի առաջ բողոքի ակցիա են իրականացնում` պահանջելով չեղյալ հայտարարել Կուտակային կենսաթոշակների պարտադիր բաղադրիչի հատվածը կամ էլ ղեկավարությունից պահանջում են փոխհատուցել պարտադիրի գումարները, որպեսզի աշխատակիցը ստիպված չլինի իր գրպանից այդ գումարները տալ:
Երկաթուղու աշխատակիցներին միացել են նաեւ «Դեմ եմ» նախաձեռնության անդամները: Aravot.am-ի հետ զրույցում նախաձեռնության անդամներից մեկը` Դավիթ Խաժակյանն ասաց, որ ակցիան նախապես ծրագրված չի եղել եւ այդ պատճառով «Դեմ եմ»-ի ոչ բոլոր անդամներն են կարողացել գնալ սատարելու երկաթուղայիններին:
Aravot.am-ի հարցին, թե ընկերության ղեկավարությունը որեւէ կերպ արձագանքե՞լ է աշխատակիցների բողոքներին եւ ի՞նչ է մտադիր անել, «Հարավկովկասյան երկաթուղիներ» ընկերության հասարակայնության հետ կապերի բաժնի պետ Վահե Դավթյանը պատասխանեց, որ դեռեւս հանդիպում տեղի չի ունեցել ղեկավարության եւ աշխատակիցների միջեւ, ուստի ոչինչ ասել չեն կարող:
Կարդացեք նաև
Լուսինե ԲՈՒԴԱՂՅԱՆ
