«Ավելի քան վստահ եմ, որ բացառություններ եւ վերապահում կլինեն»,- այսօր «Ազդակ» ակումբում հայտարարեց ՕԵԿ-ական պատգամավոր Հովհաննես Մարգարյանը` նկատի ունենալով ՌԴ նոր օրենքը`միգրանտներին վերաբերող: Այս հարցով ԱԱԽ քարտուղար Արթուր Բաղդասարյանն արդեն դիմել է ռուսաստանցի իր գործընկերոջը, շաբաթ օրն էլ ՕԵԿ-ում քննարկումներ են անցկացվել:
ՕԵԿ-ականները պատկերացնում են, որ հարցը պետք է լուծվի համատեղ հանձնաժողովի ջանքերով, որում ներգրավված կլինեն թե գործադիր, թե օրենսդիր մարմինների ներկայացուցիչները:
Բացառությունների մասով ՕԵԿ-ական պատգամավորի վստահությունը բխում է նրանից, որ Մաքսային միության փաստաթղթերում, օրինակ, նախատեսված են ադամանդի արտահանման եւ ներմուծման մասով բացառություններ: Պատգամավորը նկատում է, որ նմանատիպ իրավիճակներում, միջազգային պրակտիկայում գերակա en միջպետական պայմանագրերը եւ եթե միջպետական պայմանագիր լինի, ապա այդ հարցերը կլուծվեն:
Նկատենք, որ մայիսին արդեն Հայաստանը ՌԴ-ի հետ նախատեսում է միջպետական պայմանագրեր կնքել` ՄՄ-ին անդամակցելու մասին: Պատգամավորը չի բացառում, որ աշխատանքային խումբը հասնի նրան, որ մինչեւ մայիս ՌԴ-ի կողմից ՄՄ-ի հետ սերտորեն համագործակցող երկրների քաղաքացիների նկատմամբ բացառություններ կիրառվեն միգրացիոն քաղաքականության մեջ:
Կարդացեք նաև
Այլ մանրամասները`տեսանյութում
Նելլի ԳՐԻԳՈՐՅԱՆ
