Aravot.am-ի հետ զրույցում տնտեսագետ Վարդան Բոստանջյանն անդրադարձավ ԱԺ-ում արդարադատության նախարար Հրայր Թովմասյանի հայտարարությանը, ըստ որի` Որոտանի ՀԷԿ-ը ոչ թե Կառավարությունն է վաճառել, այլ «Որոտան» ՓԲԸ-ն, ու նաեւ Էներգետիկայի եւ բնական պաշարների նախարար Արմեն Մովսիսյանի այն մեկնաբանությանը, որն էլ ասում էր, որ Կառավարությունն է վաճառել այն, քանի որ Որոտանի ՀԷԿ-ը արդեն 40 տարեկան է, իսկ նման կասկադների համար լուրջ կապիտալ ներդրումներ են պետք, որն էլ չկա:
Վարդան Բոստանջյանը, պատասխանելով մեր հարցին, կարո՞ղ է մի օր էլ նույն կերպ Ատոմակայանը որոշի ինքն իրեն վաճառել, հետեւյալն ասաց. «Կարելի ասել, որ նման կառավարման պարագայում ոչինչ բացառված չէ, ու ամեն ինչ կարելի է վաճառել: Ակնհայտ է, որ այդ ամենը լսելով եփած հավի ծիծաղն էլ է գալիս, քանի որ Որոտանի ՀԷԿ-ը վաճառել է գոյություն չունեցող ինչ-որ մեկը, մի՞թե պարզ չէ, թե ինչպես է դա արվել: Ատոմակայանն էլ կվաճառվի, ամբողջ Հայաստանի Հանրապետությունն էլ: Արմեն Մովսիսյանն էլ, ոչ թե բանից անտեղյակ է, այլ ասել է այն, ինչն իրեն է հարմար: Բոլոր գործարքներն արվել են գաղտնի ձեւով»:
Եվա ՀԱԿՈԲՅԱՆ
Կարդացեք նաև
