Հատված ԱՐՏԱԿ ՇԱԲՈՅԱՆԻ (ՀՀ ՏՄՊՊՀ նախագահ) հարցազրույցից:
– Մուծե՞լ եք կուտակայինը։
– Այո։
– Քաղաքացի Շաբոյան, ինչո՞ւ եք խախտել Հայաստանի գերագույն իրավական մարմնի օրենքը, չէ՞ որ ՍԴ–ն կասեցրել է օրենքի կիրարկումը։
Կարդացեք նաև
– Ոչ թե քաղաքացի Շաբոյանն է մուծել՝ անձամբ, այլ մեր հաշվապահությունն ընդհանուր կարգով գանձել է այդ գումարները։ Իսկ օրենքը, ինչպես նշեց սոցապնախարարը, ուժի մեջ է մտել հունվարի մեկից։ Պարոն Սահակյան (դիմեց ՀՀԿ ֆրակցիայի քարտուղար Հովհաննես Սահակյանին ՏՄՊՊՀ նախագահը), էս ի՞նչ բան է, օրինախախտ էլ դառա («Մի՛ ասա, մի՛ ասա, Արտակ ջան, հիմա էլ կգնա–կգրի, թե Սահակյանը «սարքել» էր Շաբոյանի գլխին»,- բարեկամական խորհուրդ տվեց ՏՄՊՊՀ յուր կուսակից գործընկերոջը ֆրակցիայի քարտուղարը):
– Քաղաքացի Շաբոյան, ինչո՞ւ չեք սպասել մարտի 28-ին, երբ ՍԴ–ն վերջնական որոշում կկայացներ։
– Օրենքն ընդունված է, օրենքն ուժի մեջ է, մեր աշխատակազմն իրականացնում է իր գործառույթները։ Դա մեր հիմնարկում միասնական է իրականացվում։ Դա միայն ինձնով չի պայմանավորված։
– Բա էդ մուծումները չե՞ն ազդել Ձեր ֆինանսական վիճակի վրա, Դուք չե՞ք աղքատացել դրանից հետո։
– Դրանք արդեն անձնական խնդիրներ են, ես մեկնաբանություններ չեմ տալիս։
Կարմեն ԴԱՎԹՅԱՆ
Հարցազրույցն ամբողջությամբ կարող եք կարդալ «Իրատես de facto» թերթի այսօրվա համարում
