Մալաթիայի նախկին թաղապետ Վահան Զատիկյանի որդու՝ Սեդրակ Զատիկյանի սպանության գործով նախագահող դատավոր Տիգրան Պետրոսյանի դատավճռով տասնհինգ տարվա ազատազրկման դատապարտվեց սպանության պատվիրատու Ստեփան Հակոբյանը:
Ստեփան Հակոբյանի պաշտպան Երեմ Սարգսյանն Aravot.am-ին տեղեկացրեց, որ դիմել է արդարադատության խորհուրդ, արդարադատության նախարարին, այդ մասին տեղեկացրել է նաեւ վճռաբեկ դատարանի նախագահին եւ մարդու իրավունքների պաշտպանին: Պաշտպանը պահանջում է կարգապահական վարույթ հարուցել դատավորի նկատմամբ օրենքի ակնհայտ եւ կոպիտ խախտումների, դատավորի վարքագծի կանոնների կապակցությամբ:
Հիշեցնենք, որ դատաքննության ժամանակ ինքնաբացարկի միջնորդություն էր եղել դատավորի նկատմամբ «Ս.Հակոբյանի նկատմամբ կողմնակալ վերաբերմունքի, դատարանի ոչ անկախ լինելու մասին», ըստ այդ միջնորդության, դատարանը խախտել էր Ս.Հակոբյանի անմեղության կանխավարկածի սկզբունքը բուն սպանության գործով դատավճռում ամրագրելով Ս.Հակոբյանի մեղադրանքը, որը քննության առարկա է դարձել սպանության պատվիրատուի մասով ընթացող դատաքննության ընթացքում:
Երեմ Սարգսյանը նաեւ բարձրաձայնել էր, որ գործով նախագահող դատավորի նախագահությամբ է կայացվել սպանության գործով դատավճիռը:
Կարդացեք նաև
Քրեական վերաքննիչ դատարանում փետրվարի 12-ին նշանակվել է պաշտպանական կողմի բողոքի քննությունը:
Ռուզան ՄԻՆԱՍՅԱՆ
