Ուկրաինայի ընդդիմության առաջնորդի կրտես եղբայրն ուղերձով հանդես է եկել Նյու Յորքում
Ուկրաինայի ընդդիմության առաջնորդ Վիտալի Կլիչկոյի կրտսեր եղբայր Վլադիմիր Կլիչկոն «Ամերիկայի Ձայն»-ի ռուսական ծառայությանը տված բացառիկ հարցազրույցում ասել է, որ Ուկրաինան քաղաքացիական պատերազմի եզրին է՝ հույս հայտնելով, որ ընդդիմությունը կհաջողվի վերահսկողությունից բաց չթողնել երկրում ստեղծված իրավիճակը:
Հանդես գալով Նյու Յորքում հավաքված ուկրաինական համայնքի ներկայացուցիչների առջև՝ Վլադիմիր Կլիչկոն ասել է, որ թեպետ ինքը քաղաքական գործիչ չէ, սակայն լիովին սատարում է իր ավագ եղբորը, որն «այժմ մասնակցում է իր կյանքի ամենադժվարին մենամարտում»:
Իր ելույթում Վլադիմիր Կլիչկոն բազմիցս շեշտել է Ուկրաինայում բռնությունները դադարեցնելու անհրաժեշտությունը՝ խոստովանելով, որ երկու կողմերը՝ և՛ կառավարությունը, և՛ ընդդիմության որոշ տարրեր, «հատել են թույլատրելի սահմանը»: Նա միաժամանակ շեշտել է, որ ընդդիմությունը մինչ այժմ հրազեն չի կիրառել՝ չնայած այն հանգամանքի, որ բնակչության ձեռքում բավականին մեծ քանակությամբ զենք կա:
Կարդացեք նաև
Ուկրաինայի ընդդիմության առաջնորդ Վիտալի Կլիչկոյի կրտսեր եղբայր Վլադիմիրը նաև ասել է, թե «Ուկրաինային նոր կառավարություն է անհրաժեշտ», և որ «մարդիկ չեն լքելու Մայդանը»:
Արմեն Հովհաննիսյան
Նյութի մանրամասները կարդացեք «Ամերիկայի Ձայն»-ի կայքում
