Մեկ խորանարդ մետրի ճշտությամբ հայտնի է, թե որքան գազ է մտել Հայաստան, հայտնի է, որ նույն Տիգրան Սարգսյանին առընթեր հանձնաժողովը թույլ է տվել գազը սպառողներին վաճառել ֆանտաստիկ բարձր գնով, հայտնի է, որ սպառողներն ատամները սեղմելով պարտաճանաչ վճարել են սպառած գազի համար, ու պիտի որ պարտքեր չկուտակվեին եւ այլն։ Ու հանկարծ պարզվում է, որ չնայած այդ ամենին՝ Հայաստանն այնուամենայնիվ հաջողացրել է 300 միլիոն դոլարի պարտք կուտակել։
Հիմա, ահա, Ազգային ժողովի չորս ոչ իշխանական խմբակցություններն առաջարկում են հանձնաժողով ստեղծել, որը կուսումնասիրի այդ բոլոր հարցերը։ Պարզ ասած՝ հանձնաժողովը պիտի պարզի, թե այդ ո՞ր հայվանի մտքով է անցել, որ ռուսական մի ընկերություն պետք է մեկ այլ ռուսական ընկերության գազ վաճառի, իսկ ռուսական երկու ընկերությունների փոխհարաբերությունների արդյունքում Հայաստանը պիտի 300 միլիոն դոլար պարտք կուտակի։ Այսինքն` հանցագործությունն առկա է, ծավալները հայտնի են, հետեւանքները՝ նույնպես, պետությանը հասցված վնասի չափը հայտնի է, ու պետք է ընդամենը բացահայտել մեղավորներին։
Բայց ահա Գալուստ Սահակյահը լսում է բոլոր այս փաստարկները, գլուխը քորում ու հայտարարում, թե այդ ամենը պոպուլիզմ է, ՀՀԿ-ն էլ դեմ է նման հանձնաժողով ստեղծելու գաղափարին:
Մարկ ՆՇԱՆՅԱՆ
Կարդացեք նաև
Հոդվածն ամբողջությամբ կարող եք կարդալ «Չորորդ իշխանություն» թերթի այսօրվա համարում
