Այս հայտարարությամբ ԱՄՆ-ի արտգործնախարարը հանդես է եկել՝ արձագանքելով այն հարցին, թե արդյոք Միացյալ Նահանգները դադարեցնում է աշխատանքը աշխարհի բազմաթիվ երկրներում առկա խնդիրների շուրջ
ԱՄՆ-ի արտգործնախարար Ջոն Քերրին, հանդես գալով Գերմանիայի Մյունխեն քաղաքում անցկացվող մամուլի ասուլիսի ժամանակ, ասել է, որ Միացյալ Նահանգներն աշխատում է Լեռնային Ղարաբաղի խնդրի շուրջ:
«Չեմ կարծում, որ աշխարհի որևէ մասում դա տեղի է ունենում», – ասել է արտգործնախարար Քերրին՝ հավելելով. «Մենք, առանց աղմուկ բարձրացնելու, աշխատում ենք Կիպրոսի խնդրի վրա: Դուք այդ մասին չեք լսում: Մենք աշխատում ենք Լեռնային Ղարաբաղի խնդրի վրա, Կովկասում», – ասել է Միացյալ Նահանգների արտգործնախարարը:
«Այսպիսով կարծում եմ, որ այն պնդումները, որոնք առաջ են մղվում այն մարդկանց կողմից, ովքեր շահագրգռված է տեսնելու Միացյալ Նահանգներն որոշակի այլ ուղու վրա, պարզապես սխալ են, և բոլոր փաստերը վկայում են այն մասին, որ մենք աշխատանքներ ենք տանում աշխարհի բոլոր մասերում», – շեշտել է ԱՄՆ-ի արտգործնախարար Քերրին:
Կարդացեք նաև
Մանրամասները կարող եք կարդալ՝ «Ամերիկայի ձայն»-ի կայքում:
