Այսօր կայացած ասուլիսում Ազգային անվտանգության խորհրդի քարտուղար Արթուր Բաղդասարյանը, ի թիվս այլ կետերի, իրենց 2014թ. ծրագրերի մեջ նշեց նաեւ Հայաստանի հոգեւոր անվտանգության հայեցակարգի մշակման մասին, ասելով, որ նախատեսվում է «աղանդավորական-կրոնական շարժումների հետ կապված» ծրագրեր իրականացնել, հոգեւոր անվտանգության համար ձեռնարկել պետության կողմից որոշակի միջոցառումներ:
Aravot.am-ը հետաքրքրվեց՝ որքանո՞վ է նման հայեցակարգի մշակումը եւ պետության կողմից որեւէ միջոցառման ձեռնարկումը համահունչ մեր Սահմանադրությանը, որով խղճի ազատության եւ պետության եւ եկեղեցու անջատ լինելու մասին սկզբունքներն են ամրագրված: Պարոն Բաղդասարյանն ասաց, որ մեր երկիրն ունի հոգեւոր անվտանգության տեսլական, պետք է հայտնաբերել այն խնդիրները, որոնք սպառնում են մեր ազգային եւ հոգեւոր անվտանգությանը, եթե դեռ չունենք այդ հարցի պատասխանը, չենք կարող խոսել եւ կանխակալ գնահատականներ տալ փաստաթղթին:
Մանրամասները տեսանյութում.
Նա պատասխանեց նաեւ Aravot.am-ի մյուս հարցին, որը վերաբերում էր վերջերս Մեղրիի մաքսակետում հայտնաբերված 1 տոննա հերոինի ճակատագրին՝ ի՞նչ է լինելու այն, ե՞րբ եւ որտե՞ղ: Նկատենք, որ մինչ այդ իր խոսքում պարոն Բաղդասարյանը անդրադարձել էր նաեւ այդ դեպքին, նկատելով, որ Մեղրիի մաքսակետի արդիականացման շնորհիվ է հայտնաբերվել մաքսանենգ թմրանյութը:
Կարդացեք նաև
Նա ասաց, որ առայժմ քննություն է ընթանում, եւ քննության ավարտից հետո նոր պարզ կլինի դրա ճակատագիրը:
Մելանյա ԲԱՐՍԵՂՅԱՆ
