Aravot.am-ն ահազանգ էր ստացել, որ դատական կարգադրիչների հասանելիք համազգեստները պահեստում չկան, չեն տրամադրվում, քանի որ կարգադրիչների անվան դիմաց ստորագրվել են եւ «ստացվել»: Մեկ կարգադրիչի հագուստը իր հատուկ միջոցներով կազմում է 120 000 ՀՀ դրամ:
Aravot.am –ի հարցին, թե արդյոք տվյալ տեղեկատվությունը համապատասխանում է իրականությանը, ճի՞շտ է, որ ծառայողական քննություն է սկսվել հագուստների անհետացման հետ կապված, ՀՀ դատական դեպարտամենտի միջազգային համագործակցության եւ հասարակայնության հետ կապերի ծառայության պետ Արսեն Բաբայանը պատասխանեց . « Սահմանված կարգի համաձայն՝ 2014թվականի հունվարի 29-ից սկսվել է դատական կարգադրիչների համազգեստների և հատուկ միջոցների հատկացման գործընթացը: Նույն կարգի համաձայն մինչև փետրվարի 28-ը բոլոր դատական կարգադրիչները կստանան իրենց հասանելիք համազգեստը և հատուկ միջոցները: Ի պատասխան Ձեր հարցադրմանը, հայտնվում է, որ դատական դեպարտամենտում սույն հարցի կապակցությամբ որևէ դիմում, բողոք, դժգոհություն չի ներկայացվել, հետևաբար ծառայողական քննություն կատարելու անհրաժեշտություն չի եղել»:
Ռ.Մ.
