Հրապարակվել է Քրդական ազատագրական շարժման ղեկավար Աբդուլլահ Օջալանի բաց նամակ-կոչը՝ ուղղված հայ ժողովրդին, ինչի բովանդակությունը այսօր «Նոյյան Տապան» մամուլի կենտրոնում ներկայացրեց վերլուծաբան Սարգիս Հացպանյանը:
Օջալանը առերեսման կոչ է անում: Նամակում նա նշում է` «Հայ ժողովրդի դեմ ուղղված եւ անցած հարյուրամյակում իրականացված ցեղասպանության ծրագիրը այս զազրելի քաղաքականության ամենադաժան օրինակներից է: Հայ ժողովրդի հետ իրականացված ու նրան այս վիճակին հասցրած իրողությունը տիպիկ ցեղասպանություն է»:
Սարգիս Հացպանյանը նշում է, որ Պոլսի «Ակոս» շաբաթաթերթում երեկ տպագրված, Իմրալը բանտից ուղարկված Աբլուլահ Օջալանի նամակում նա այնուամենայնիվ ցեղասպանություն բառն է ասում. «Օջալանն ամբողջ մեղքը գցում է Արեւմուտքի վրա, նա ասում է, թե հայերն են մեղավոր, որ հավատացել են իմպերիալիստական ուժերին ու ապրել այդ ցավը: Նամակում շեշտվում է, որ այդ ամենից հետո հայերի այսօրվա ապրելը հրաշք է:
Օջալանը նաեւ նշում է, որ այժմ հայկական լոբբինգները ներքին գործերին միջամտում են, որովհետեւ ուզում են տրաքացնել հաշտեցման պրոցեսը»:
Սարգիս Հացպանյանը անդրադառնալով Օջալանի ինքնությանը ասաց, որ նա ծնվել եւ մեծացել է հայկական գյուղում, որտեղ բոլորը հայախոս են, գյուղի մյուս կեսը դավանափոխ հայեր, ասորիներ ու մուսուլման քրդեր են: Եվ երբ Օջալանի ինքնության մասին բարձրաձայնվում է, թե հայ է, անունը փոխված է եւ այլն, նա այս ամենին երբեք չի արձագանքել, այսինքն`չի հերքել, բայց չի էլ հաստատել:
Կարդացեք նաև
Եվա ՀԱԿՈԲՅԱՆ
