Ջոխար Ցառնաևի դատավարության ամսաթիվը դեռևս չի նշանակվել, սակայն վերջինիս ներկայացվել է 30 մեղադրանք, ներառյալ զանգվածային ոչնչացման զենքի կիրառման մեղադրանքը
Ըստ «Ամերիկայի Ձայն»– ի, ԱՄՆ-ի դատախազությունը կպահանջի մահապատժի ենթարկել անցյալ տարի Բոստոնի մարաթոնի ժամանակ ահաբեկչական հարձակում իրականացնելու մեջ մեղադրվող կասկածյալին:
ԱՄՆ-ի արդարադատության նախարար Էրիկ Հոլդերը հինգշաբթի օրը հանդես է եկել հայտարարության, որի համաձայն Միացյալ Նահանգների կառավարությունը կպահանջի մահապատժի ենթարկել Ջոխար Ցառնաևին՝ վերջինիս մեղավոր ճանաչելու դեպքում:
Դաշնային կառավարությունը հազվադեպ է պահանջում մահապատժի ենթարկել կասկածյալներին և 1988 թվականից ի վեր՝ այն ժամանակից, երբ ավարտվել էր ԱՄՆ-ում մահապատժի ենթարկման մորատորիումը, մահապատիժ է պահանջել սպանություն իրականացնելու մեջ մեղավոր ճանաչված ընդամենը երեք անձի:
ԱՄՆ-ի դատախազությունը մեղադրում է ազգությամբ չեչեն Ջոխար Ցառնաևին, որը հանցագործություն իրականացնելու ժամանակ եղել է 19 տարեկան, և իր եղբայր Թամերլան Ցառնաևին ինքնաշեն երկու ռումբ պատրաստելու և Բոստոնի մարաթոնի ֆինիշային գծի մոտ տեղադրելով՝ պայթյուն իրականացնելու մեջ: Պայթյունը, ըստ մեղադրյալի, իրականացվել էր որպես վրեժխնդրություն ԱՄՆ-ի կողմից մահմեդական երկրներում իրականացվող ռազմական գործողությունների համար:
Արմեն Հովհաննիսյան
Կարդացեք նաև
Նյութի մանրամասները կարդացեք սկզբնաղբյուր կայքում
