Տավուշի մարզի Բերդի տարածաշրջանի Վերին Կարմիրաղբյուր գյուղի բնակիչ, 1937թ. ծնված Մամիկոն Խոջայանն արդեն մի քանի տարի տառապում է ծերունական պսիխոզ հիվանդությամբ, հիշողության կորստով, սակայն որպես հիվանդ հաշվառված չէ: Այս մասին տեղեկացանք Բերդի բժշկական կենտրոնի տնօրեն Արամ Հարությունյանից:
Վերին Կարմիրաղբյուրի գյուղապետ Կամո Չոբանյանը մեզ հայտնեց, որ Մամիկոնն ունի 3 տղա, 4 աղջիկ: Մամիկոնը կյանքում շատ վիշտ է տեսել. մոտ 9 տարի առաջ հիվանդությունից մահացել է նրա որդին, 2 թոռը Ռուսաստանում ավտովթարից զոհվել են, մի թոռը հիվանդության հետեւանքով մահացել է գյուղում, Մամիկոնի կինը մահացել է տարիներ առաջ՝ 54 տարեկան հասակում:
Որդին Մամիկոն Խոջայանին տարել է իր մոտ՝ Ռուսաստանի Լիպեցկ քաղաք: Մոտ 5 տարի առաջ Մամիկոնն առանց զգուշացնելու տնից դուրս է եկել, գնացք նստել, Լիպեցկից հասել Մոսկվա: Ռուս ոստիկանները նրան որոնելով՝ Ռուսաստանի մայրաքաղաքում հայտնաբերել են:
Կամո Չոբանյանն ասաց, որ հունվարի 29-ին Կարմիր խաչի միջազգային Կոմիտեի ներկայացուցիչներն այցելել են Վերին Կարմիրաղբյուր, Մամիկոնի վերաբերյալ տեղեկություններ վերցրել եւ հայտնել, որ իրենք պատրաստվում են Մամիկոնի մասին հարցում կատարել Ադրբեջան:
Կարդացեք նաև
Ոսկան ՍԱՐԳՍՅԱՆ
