Ադրբեջանի գլխավոր հյուպատոսությունը պաշտոնական բողոք կներկայացնի Լոս Անջելեսի քաղաքային խորհուրդ՝ նրա կողմից Լեռնային Ղարաբաղի անկախությունը ճանաչելու կապակցությամբ: Այդ մասին APA լրատվական գործակալության հետ զրույցում հայտարարել է Ադրբեջանի արտգործնախարարության խոսնակ Էլման Աբդուլաևը:
Հիշեցնելով, որ ամիսներ առաջ Լեռնային Ղարաբաղը որպես անկախ պետություն է ճանաչել նաև ամերիկյան մեկ այլ՝ Հայլենդ քաղաքի խորհուրդը, Աբդուլաևը շարունակել է․ – «Դա աբսուրդ է, քանի որ ԱՄՆ-ի դիրքորոշումը հայտնի է և պարզ է: ԱՄՆ-ը չի ճանաչում Լեռնային Ղարաբաղ անվամբ հանրապետություն և սատարում է Ադրբեջանի տարածքային ամբողջականությունը»:
Նյութն ամբողջությամբ՝ սկզբնաղբյուր կայքում
Ամենաանհեթեթը Ղարաբաղի կարգավիճակի շուրջ այն է, որ ով ճանաչել եւ ճանաչում է 1990-1995 թվերի Հայաստանի Հանրապետությունը, ապա ճանաչել եւ ճանաչում է Ղարաբաղը որպես Հայաստանի Հանրապետության մաս: Բայց սա մոռացել ենք թե՛ մենք, թե՛ մնացածը, ու ինչ-որ անկապ խաղեր են խաղացվում սրա շուրջ թե՛ մեր, թե՛ ուրիշների մասնակցությամբ: