7%-ի փոխարեն 3,5% տնտեսական աճ ապահովելն այսօր ՀՀ ֆինանսների նախարար Դավիթ Սարգսյանը պայմանավորեց էներգակիրների թանկացմամբ: Ըստ նախարարի՝ էներգակիրների «գների շեշտակի աճը» ազդել է տնտեսական աճի վրա եւ եթե «այդպիսի գնային շոկ չլիներ», ՀՆԱ-ն կաճեր 4,7%-ով:
Նախարարի ներկայացմամբ՝ 1-2 վարկային ծրագրերի թերակատարումը նույնպես բացասաբար է անդրադարձել բյուջեի դեֆիցիտի վրա:
Հարցին, թե Հայաստանը կմտնի՞ ռուբլու գոտի, ֆինանսների նախարարը պատասխանեց, որ միասնական արժույթի մասին դեռեւս որեւէ հստակ բան ասել չի կարող եւ որ ո՛չ Ռուսաստանի, ո՛չ էլ ՄՄ անդամ մյուս երկրների հետ նման հարց դեռ չի քննարկվել:
Վերջերս հեղինակավոր մի կազմակերպության հրապարակած այն տվյալները, թե Հայաստանից ապօրինի 6,5 մլրդ դոլար է դուրս եկել, որն էլ, որոշ տնտեսագետների մեկնաբանմամբ՝ օլիգարխների ձեռքի գործն է, Դավիթ Սարգսյանին հավատ չեն ներշնչում:
Կարդացեք նաև
Նախարարն ասաց, որ ինքը այդ կազմակերպությանը ծանոթ չէ եւ որ ինքը վստահում է վարկանիշ տվող միայն մի քանի հայտնի կազմակերպությունների հրապարակած տվյալներին, համաձայն որոնց՝ Հայաստանը պատշաճ դիրքերում է:
Լուսինե ԲՈՒԴԱՂՅԱՆ
