«Ոստիկանները նախապես դերասանության կուրսերն անցնում են, հետո են էստեղ կանգնում: Նրանք դերասան ղեկավար ունեն, նույնիսկ համաշխարհային բեմերը նման դերասան չունեն»,- ոստիկանական գործողություններից դժգոհելով բանակում խաղաղ պայմաններում մահացած զինվորների մայրերը հասան Ազատության հրապարակ:
Այնտեղ Երեւանի փոխոստիկանապետ Վալերի Օսիպյանից հետաքրքրվեցին՝ ինչո՞ւ են հրապարակից Ոստիկանություն տարել Վարդգես Գասպարիին եւ նրա հետ մեկ այլ ակտիվիստի:
«Նա խանգարում էր… ինքը ուզում էր առաջանալ եւ խանգարել միջոցառումը»,- պատասխանեց պարոն Օսիպյանը:
Զինվորներից մեկի մայրը՝ Նանա Մուրադյանը հեգնեց. «Ազատության հրապարակում մարդու ազատ տեղաշարժվելու իրավունքը խախտում են»:
Կարդացեք նաև
Զինվորների մայրերից մեկն էլ շարունակեց. «Այս երկիրը Սահմանադրություն հռչակած երկիր է, բայց ոչ մի սահմանադրական բան չեմ տեսնում, ամեն քայլափոխի խախտում եք մեր սահմանադրական իրավունքը»:
Նանա Մուրադյանն էլ հավելեց. «Զուգարան գնալու իրավունք էլ չունենք, հետեւներիցս գալիս են պոչ-պոչ»:
Պարոն Օսիպյանն էլ բացատրեց. «Ոստիկանների կողմից ձեր նկատմամբ առանձնահատուկ վերաբերմունք կա»:
«Մենք չենք տեսել այդ առանձնահատուկ վերաբերմունքը»,- հակադարձեց զինվորի մայրերից մեկը:
Նրանք նաեւ պարոն Օսիպյանի մոտ գանգատվեցին ոստիկանների այսօրվա գործողություններից:
Մանրամասները շուտով՝ տեսանյութում
Արփինե ՍԻՄՈՆՅԱՆ
