ՀՀ պաշտպանության նախարարի հայոց բանակի կազմավորվման 22-րդ տարեդարձի կապակցությամբ հրավիրված մամուլի ասուլիսին ներկաներին բաժանվեցին «Բանակը մեր տունն է, մեր ամրոցն է. Մեր ամրոցում՝ մեր օրենքներով, կամ միասնական պայքար փողոցային արատավոր բարքերի դեմ» գրքույկը:
Պաշտպանության նախարար Սեյրան Օհանյանը գրքույկում անդրադարձել է մի շարք ցավոտ հարցերի, որոնցից մեկը զորակոչն էր:
«Հիմա քննարկվում է առաջիկա տարիներին հայոց բանակ 18 տարեկանից զորակոչելու հարցը, այսինքն, դպրոցն ավարտելուն պես, եւ դրա վերաբերյալ կարծիքները բաժանվում են:
Այս մասին իմ տեսակետը ես տարբեր ամբիոններից արդեն հայտնել եմ եւ հիմա էլ նույն կարծիքին եմ, որ ոչ միայն երկրի պաշտպանունակությունը, այլ ուսման եւ աշխատանքի շարունակականությունն ապահովելու , ինչպես նաեւ «կեղծ» բանակից խուսափելու համար «գիտությունների թեկնածու» դարձողներ չունենալու համար առավել ճիշտ է այս մեթոդը»:
Կարդացեք նաև
Հնարավոր հարցին, թե բուհերի մասնակցությունը հայրենասիրական դաստիարակության խնդրին, Ս.Օհանյանը տալիս է գրքույկում. «Հարկավոր է զարկ տալ բուհերում ռազմահայրենասիրական ակումբների գործունեությանը, դրանցում ընդգրկել բանակից զորացրված մեր լավագույն զինվորներին, ովքեր իրենց ընկերներին պատշաճ կնախապատրաստեն հայրենիքը պաշտպանելու»:
Նախարարը կարեւորել է զորամասերում «գերատեսչական խմբերի, հանձնաժողովների, հասարակական ակտիվների գործունեությունը»:
«Մենք իրավունք չունենք «փչացնելու» այս Ոսկե սերունդը: Իրավունք չունենք նաեւ նրանց չհավատալու»,-գրել էր նախարարը:
