«Համայնքների խոշորացման ծրագիրը դեռեւս կառավարության` միակողմանի նախաձեռնությունն է, այն չի վերածվել երկկողմ ճանապարհի»,-այսօր «Պոստ սկրիպտում» ակումբում ասաց ՀՀ համայնքների միության նախագահ Էմին Երիցյանը, որն իր կարծիքը հիմնավորեց հետեւյալ կերպ. «Այսինքն, համայնքների կողմից երկկողմ գործընթաց չէ, եւ չի էլ վերածվել դրան, այսինքն` գործընթացը դեռեւս կիսատ է, թեկուզ պիլոտային մասով: Դա կհաջողվի, եթե գործընթացը երկկողմ լինի: Բոլոր այդ համայնքներում ՀՀ Սահմանադրությամբ պետք է անցկացվեն տեղական հանրաքվեներ, որոնք պարտադիր չեն որոշման կայացման համար, բայց դրանք պիտի նախաձեռնվեն: Այս պահին, պիլոտային ծրագրով, ես չեմ տեսնում բնակչի համար մոտիվացիա, որը պիտի դրդի բնակչին կողմ քվեարկելու համար: Օրինակ ասենք` գյուղական համայնքը գտնվում է 10 կիլոմետր հեռավորության վրա քաղաքից. ասենք` Թեղուտը` Դիլիջանից, ես չեմ տեսնում այն հիմնական դրդապատճառը, համոզիչ փաստարկը, որով այդ բնակիչը պետք է 10 կիլոմետր հեռու բնակավայրի համար քվեարկի եւ դառնա, ըստ էության, քաղաքի արվարձանը»:
Պարոն Երիցյանի դիտարկմամբ, համայնքների խոշորացման ծրագիրը պետք է տեղերում քննարկվեն: Միության նախագահի խոսքերով` եթե 915 համայնքը 400 համայնք դարձնենք, սա նշանակում է բոլոր այդ համայնքներում ապահովել տեղական հանրաքվեներ, բնակիչների աշխատանք, դա մի ամբողջ կյանքի տեւողություն է` ընտրական ցիկլերի. «ԱԺ-ի, նախագահի, մյուս ընտրությունների ցիկլերում հնարավոր չէ ապահովել: Իմ մոտեցումն այն է, որ քաղաքաշինական առումով, կառավարման առումով խոշորացումը մի գործիք է, որը պետք է հասցեական օգտագործել. համայնքները կարող են տարանջատվել, միացվել: Հիմնական մոտեցումը, դա ռեգիոնների զարգացումն է, ես որեւէ երկրում չեմ հանդիպել, որ տեղական իշխանությունները կրեն տնտեսական զարգացման պատասխանատվություն, որովհետեւ`չեն կարող, իրենք պարզ ծառայություններ մատուցող են: Տնտեսական զարգացման խնդիրները լուծվում են ռեգիոնների մակարդակում: Այսինքն ` այսօր պետք է մարզերի մակարդակով ինստիտուցիոնալ լուծումներ գտնել, մենք ունենք մարզեր, բայց չունենք բյուջե եւ ընտրովի մարմիններ»:
Մանրամասն` տեսանյութում
Aravot.amի այն հարցին, թե կառավարությունը պատճառաբանում է, որ այս խորագրով համայնքների վրա պետբյուջեի ծախսերի 25%-ի կրճատում կլինի, կառավարումն էլ ավելի արդյունավետ, պարոն Երիցյանն ասաց. «
Կարդացեք նաև
Մեծ խնայողություն չի լինի, այդ գյուղապետերի փոխարեն լինելու են համայնքային ներկայացուցիչներ, հետո առաջանալու են հավելյալ ծախսեր»:
Մանրամասները՝ տեսանյութում
Նելլի ԲԱԲԱՅԱՆ
