Գյումրիի նախկին քաղաքապետ Վարդան Ղուկասյանի որդու՝ Սպարտակ Ղուկասյանի ներկայիս քաղաքապետ Սամվել Բալասանյանի տուն «այցելության» դեպքի հետ կապված քրեական գործ է հարուցվել: Այս մասին հայտնեցին NEWS.am-ի աղբյուրները:
Քրեական գործը հարուցվել է ՔՕ-ի 258-րդ հոդվածի 1-ին մասի հատկանիշներով: Այդ հոդվածով սահմանվում է խուլիգանությունը՝ դիտավորությամբ հասարակական կարգը կոպիտ կերպով խախտելը, որն արտահայտվել է հասարակության նկատմամբ բացահայտ անհարգալից վերաբերմունքով, այն պատժվում է տուգանքով` նվազագույն աշխատավարձի առավելագույնը հիսնապատիկի չափով, կամ կալանքով՝ մինչև մեկ ամիս ժամկետով: Գյումրիի քաղաքապետի նախկին որդին առայժմ որեւէ կարգավիճակ չունի, սակայն դատելով վերջին զարգացումներից, մասնավորապես՝ Շիրակի ոստիկանապետի փոփոխությունից, ոստիկանապետ Վլադիմիր Գասպարյանի Շիրակ այցելությունից, չի բացառվում, որ այս անգամ Սպարտակ Ղուկասյանը ջրից չոր դուրս չգա:
Նյութի մանրամասները կարդացեք սկզբնաղբյուր կայքում
Լուսանկարը՝ Գագիկ Շամշյանի
