Դավիթաշեն -Աջափնյակ վարչական շրջանների դատարանում շարունակվում է Սյունիքի նախկին մարզպետ Սուրիկ Խաչատրյանն ընդդեմ Գորիսի նախկին քաղաքապետ Սամվել Հարությունյանի հայցի քննությունը: Սուրիկ Խաչատրյանը Սամվել Հարությունյանին դատի է տվել լրատվամիջոցներով իրեն զրպարտելու համար:
Այսօր նախնական դատական նիստում Սուրիկ Խաչատրյանի փաստաբան Մարտին Զիլֆուղարյանը հստակեցրեց թե Aravot.am-ի հրապարակումներից որտեղ են զրպարտչական արտահայտությունները՝ «Սուրիկ Խաչատրյանը կրակել է իրենից հղի սիրուհու վրա եւ սպանել չծնված երեխային, ծանր հրազենային կրակոցով Գորիսում վիրավորել է Անուշավան Առուշանյանին եւ իր բանդայի ներկայացուցիչները մտել են հիվանդանոց»:
Դատարանը բաշխեց նաեւ ապացույցների բեռը կողմերի միջեւ: Հայցվորը պետք է ապացուցի, որ այդ հայտարարությունները հրապարակային են արվել, արատավոր բնույթ են կրել եւ դրանց մասին իմացել է հայցադիմումը դատարան ներկայացնելուց մեկ շաբաթ առաջ: Մնացած բոլոր հանգամանքների ապացույցը դրվեց պատասխանողի վրա:
Հայցվորը համաձայնեց նաեւ պատասխանողի միջնորդությանը՝ դատարան հրավիրել Արեւիկ Միրզոյանին (Ըստ Սամվել Հարությունյանի՝ Սուրիկ Խաչատրյանի սիրուհին է, որի վրա էլ հղի ժամանակ Խաչատրյանը կրակել ու սպանել էր չծնված երեխային) եւ նրա ամուսնուն:
Կարդացեք նաև
Դատական հաջորդ նիստը նշանակվեց փետրվարի 25-ին:
Արփինե ՍԻՄՈՆՅԱՆ
