Այսօր Փարիզում հանդիպելու են Հայաստանի և Ադրբեջանի արտաքին գործերի նախարարները: Նրանց հանդիպմանը, ինչպես հայտնի է, նախորդել էր սահմանային լարվածությունը, որի նախաձեռնողը, ինչպես միշտ, եղել է Ադրբեջանը:
Ըստ «Առաջին լրատվական»– ի, դիվերսիոն նախաձեռնության արդյունքում հայկական կողմն ունեցավ մեկ կորուստ, իսկ ադրբեջանցիները, ըստ նույն հայկական կողմի, հետ են շպրտվել բազմաթիվ զոհերով ու վիրավորներով: Ադրբեջանը երեկ հաստատել է մեկ զոհի հանգամանքը:
Փարիզյան հանդիպումից առաջ ադրբեջանական ոտնձգություններից հետո հայաստանյան շատ շրջանակներում բարձրացել է Մամեդյարովի հետ Նալբանդյանի հանդիպելու և ընդհանրապես բանակցությունը շարունակելու նպատակահարմարության հարցը: Իհարկե, առաջին հայացքից ոչ միայն նպատակահարմար չէ, այլ նույնիսկ պետք է դադարեցնել բանակցությունն Ադրբեջանի հետ, քանի դեռ Բաքուն դիվերսիոն գրոհներ է կազմակերպում հայկական դիրքերի ուղղությամբ: Մյուս կողմից, սակայն, հայկական կողմի համար բանակցության դադարեցումը չպետք է լինի այս կապակցությամբ միանվագ քայլ: Հայկական կողմն այդ քայլին պետք է գնա հաջորդական քայլերի մշակված տարբերակով:
Այսինքն` միայն բանակցությունից հրաժարվելն ինքնին, ըստ էության, այնքան էլ արդյունավետ չի լինի: Հարկավոր է մշակել ադրբեջանական կեցվածքը առավել լայն համատեքստում դիվանագիտական զենքի վերածելու տարբերակ: Սակայն այս տեսանկյունից Հայաստանը ղարաբաղյան հարցում կաղել է, կարելի է ասել, խաղաղ բանակցությունների հենց սկզբից: Այսինքն` Հայաստանը հենց սկզբից ևեթ չի ցուցաբերել կարգավորման բանակցություններում գործիքակազմի բազմազանության, նաև գաղափարական բազմազանության կարողություններ և զինանոց:
Նյութի մանրամասները կարդացեք սկզբնաղբյուր կայքում
Կարդացեք նաև
Նյութի մանրամասները կարդացեք սկզբնաղբյուր կայքում
