Ինքը` Կարեն Բաբակեխյանը, համաձայն չէ, որ իրեն պաշտոնանկ են արել Գյումրիի դեպքերի արդյունքում: Ներկայացնում ենք «Առաջին լրատվական»-ի զրույցը Շիրակի մարզի նախկին ոստիկանապետի հետ:
– Պարոն Բաբակեխյան, լուրեր են շրջանառվում, որ Ձեզ պաշտոնանկ են արել Գյումրիի քաղաքապետ Սամվել Բալասանյանի տան վրա հարձակման պատճառով: Դուք զգո՞ւմ եք Ձեր մեղավորությունը:
– Բացարձակապես, դա դրա հետ կապ չունի ընդհանրապես, և Սամվել Բալասանյանի տան վրա հարձակում էլ տեղի չի ունեցել: Անհեթեթություն է, տենց հասկացողություն չի եղել:
– Սակայն փաստ է, որ Վարդան Ղուկասյանի որդին` Սպարտակ Ղուկասյանը, բերման է ենթարկվել:
Կարդացեք նաև
– Նման տեղեկություն ես չունեմ: Ես արձակուրդի մեջ եմ դեկտեմբերի 31-ից:
– Տեղեկություն կա, որ Գյումրիում բարձիթողի վիճակ է եղել:
– Չի եղել նման բան:
– Իսկ այդ դեպքում, ո՞րն է Ձեզ Շիրակի մարզի ոստիկանապետի պաշտոնից ազատելու պատճառը:
– Բոլոր դեպքերում` ո՛չ ցուցանիշները և ո՛չ էլ Սամվել Բալասանյանի կամ Վարդանիկի հետ կապված: Ես մի շարք անգամ ասել եմ, որ ոստիկանության պետն ինքն է որոշում և ոնց նպատակահարմար է գտնում` ով որտեղ աշխատի, փոփոխություններ է կատարում: Ես համակարգից ազատված չեմ, ես ընդամենը կադրերի ռեզերվում եմ հիմա:
Մարինե Խառատյան
Նյութի մանրամասները կարդացեք սկզբնաղբյուր կայքում
