«Շանթ եւ ազատություն» նորաստեղծ հիմնադրամը նոյեմբերի 5-ի դեպքերով ձերբակալված Շանթ Հարությունյանին եւ նրա ընկերներին աջակցելու նպատակով է բացվել:
Հիմնադիր Ֆելիքս Հայրապետյանի խոսքով, ինքը անձնապես չի էլ ճանաչում Շանթին, բայց կիսում է նրա գաղափարները, հետո ասաց, որ հիմնադրամը գործելու է Հայաստանում, ԼՂՀ-ում, հետագայում ներկայացուցչություններ կլինեն աշխարհի մի շարք երկրներում:
«Այսօր Հայաստանում կան տասնհինգ քաղաքական հետապնդվողներ, եւ այս հիմնադրամի նպատակն է կոնկրետ այդ տասնհինգ մարդկանց իրավական օգնություն, իսկ նրանց ընտանիքի անդամներին ֆինանսական օգնություն ցուցաբերել: Մեր հաշվարկներով, անազատության մեջ գտնվող տասնհինգ անձանց ընտանիքներում կա քսանմեկ երեխա, եւ որեւէ մեկը պարտավոր է նրանց թեւ ու թիկունք լինել եւ օգնել»,- այսօր «Մեդիա կենտրոնում» ասաց պարոն Հայրապետյանը:
Նոյեմբերի հինգին Շանթ Հարությունյանի եւ նրա հետ ձերբակալված երիտասարդների թվում հիմնադրամի հոգաբարձուները քաղբանտարկյալ են հաշվում նաեւ ազատամարտիկ Վոլոդյա Ավետիսյանին:
Նա ասաց, որ «Ամերիաբանկում» արդեն բացել են հաշվեհամար, քաղաքացիներն էլ արդեն սկսել են փոխանցումներ անել:
Կարդացեք նաև
Հիմնադրամի հոգաբարձուներն են Էդուարդ Զորիկյանն ու Միքայել Հայրապետյանը:
Արփինե ՍԻՄՈՆՅԱՆ
