Դեռեւս ոչ պաշտոնական տվյալներով նոր կենսաթոշակի օրենքի իրավասությունը տարածվելու է շուրջ 270 հազար մարդու վրա։ Այսինքն` Հայաստանում 22 տարի միջակայք ընդգրկող տարիքային խմբի թիվն այդքան է կազմելու։ Այստեղ իշխանությունները կնշեն, որ դա աշխատող քաղաքացիների թիվն է։ Իհարկե, սակայն, ըստ նույն պետական վիճակագրության, Հայաստանում գործազրկությունը կազմում է 32.7 տոկոս։ Ստացվում է, որ Հայաստանում 18-40 տարեկան քաղաքացիների թիվը չի գերազանցում 360 հազարը։
Գաղտնիք չէ, որ վերջին քսան տարում էականորեն նվազել է ծննդաբերությունը։ Եթե 22 տարի միջակայք ընդգրկող Հայաստանի քաղաքացիների թիվն առավելագույնը 360 հազար է, ապա մինչեւ 18 տարեկանների թիվը չի կարող գերազանցել 300 հազարը։ Հայաստանում տղամարդկանց ապրելու համար միջին տարիք է համարվում 70.9 տարին, իսկ կանանց համար՝ 77.5 տարին։ Միջինը ստացվում է 74.2 տարի։ Հայաստանը ունի ծերացող բնակչություն։ Կուտակայինի «դրակոնյան» օրենքից ազատված եւս 35 տարի ընդգրկող Հայաստանի բնակիչների թիվը չի կարող անցնել 800 հազարը։ Ստացվեց 1.460.000: Գումարենք հաշմանդամների թիվը, որը ըստ պաշտոնական տվյալների կազմում է 185000: Իշխանական վիճակագրությանը նվիրենք մի 200 հազար բոնուս եւ արդյունքում կստանանք 1.845.000: 2011թ. անցկացված մարդահամարի տվյալներով Հայաստանում ապրում է 3.270 հազարից շատ մարդ, իսկ ընտրողների թիվը գերազանցում է 2.500000-ը։
Վահե ՍԱՐԳՍՅԱՆ
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
