Ազատազրկման մեջ գտնվող Ուկրաինայի նախկին վարչապետ Յուլյա Տիմոշենկոն նամակով անդրադարձել է հունվարի 22-ին զոհված Սերգեյ Նիգոյանի դեպքին: Հայտնում է «Սեվոդնյա» լրատվականը:
Տիմոշենկոյի հաղորդագրությունը կարդացել է նրա դուստրը՝ Եվգենյա Տիմոշենկոն:
«Այսօր՝ միասնության օրը, մահացել է Սերգեյ Նիգոյանը, որը հենց սկզբից Եվրոմայդանում էր… երիտասարդներ են մահացել: Ես առաջարկում եմ մեկ րոպե լռությամբ հարգել բոլորի հիշատակը: Ես ծնողների հետ սգում եմ բոլոր զոհվածների համար, բոլոր նրանց, ովքեր զգում են այդ ցավը: Այդ արյունը Յանուկովիչի ձեռքերում է: Այս պահից նա դադարում է Ուկրաինայի նախագահը լինել… Եթե մենք՝ ուկրաինացիներս, ներենք նրան, ապա արժանի կլինենք նրա հետագա անելիքներին», – ասել է Տիմոշենկոն:
21-ամյա Սերգեյ Նիգոյանը, ըստ ականատեսների, մահացել է գլխին և պարանոցին հասցված հրազենային վնասվածքներից: Նա Ուկրաինայի քաղաքացի էր:
Կարդացեք նաև
Պատրաստեց Հովհաննես ԻՇԽԱՆՅԱՆԸ
