Քիչ առաջ գյումրեցի մի խումբ երիտասարդները՝ լրագրողներ, դասախոսներ, ոստիկաններ Ամենափրկիչ եկեղեցու բակում տեղադրված Խաչքարերի պուրակում մոմեր վառեցին ու ծաղիկներ դրեցին հունվարի 19-ի լույս 20-ի գիշերը ղարաբաղա-ադրբեջանական սահմանին հակառակորդի դիվերսիոն խմբերի հարձակման ժամանակ փոխհրաձգության հետեւանքով զոհված կրտսեր սերժանտ Արմեն Հովհաննիսյանի լուսանկարի առջև: Վերջիններս սկսեցին աղոթքով՝ սգալով, բայց միաժամանակ հպարտանալով մեր հերոսով:
Ակտիվիստ Արսեն Վարդանյանն ասաց. «Արմենին կրակելով՝ կրակել են մեզ բոլորիս, համախմբվել ենք, եկել ենք մեր հարգանքի տուրքը մատուցելու մեր հայրենակցին, մեր ընկերոջը, մեր եղբորը: Միավորվելու անհրաժեշտության կա. բոլոր երկկողմ, եռակողմ, դիտորդական, մնացած առաքելություններ անպտուղ են, որովհետև ունենք նման դեպքեր: Ու քանի դեռ մինչև էսօր հակառակորդը նման դեպքեր է իրականացնում, մենք պետք է պատրաստ լինենք: Ու հայորդիների ծառայությունը միայն 18 տարին լրանալով երկու տարվա ծառայությունը չէ, այլ պետք է ծառայես ամբողջ կյանքի ընթացքում »:
Տիգրան Պետրոսյանն էլ կարծիք հայտնեց, որ թղթե շերեփների ժամանակներն անցել են, անհրաժեշտ են ժամանակակից հզոր տեխնիկական միջոցներ և որ թե պատերազմի, թե խաղաղության տերը մենք են: «Ժամանակն է ունենալ տեխնիկապես ավելի լավ զինված բանակ, ոչ միայն սխրագործությունների, ինքնազոհության գնով պահվող հող»,- ասաց Տիգրան Պետրոսյանը:
Այնուհետ Ամենափրկիչ եկեղեցում ժամերգություն մատուցվեց մեր հերոսի հոգու խաղաղության համար:
Մանրամասները՝ տեսանյութերում:
Կարդացեք նաև
Նունե ԱՐԵՎՇԱՏՅԱՆ
