«Ինչ խնդիր էլ չլինի, կարծում ենք, որ նման խնդիրներին լուծում գտնելիս պետք է հարգել իրավունքի գերակայության և իշխանությունների բաժանման սկզբունքները». , – շեշտել է Եվրահանձնաժողովի նախագահը
Ըստ «Ամերիկայի Ձայն»– ի, Թուրքիայի վարչապետ Ռեջեփ Թայիփ Էրդողանը, որը հինգ տարվա ընթացքում իր առաջին այցելություններ է կատարել Բրյուսել, խիստ քննադատության է ենթարկվել Եվրոպական Միության առաջնորդների կողմից՝ երկրում կաշառակերության մեղադրանքներով մեկնարկած հետաքննության պատճառով Թուրքիայի դատական իշխանության ներկայացուցիչների և ոստիկանության ծառայողների դեմ ուղղված հետապնդումների իրականացման համար:
Թուրքիայում իրականացվող բռնությունները լարվածություն են ստեղծել Եվրամիության հետ հարաբերություններում հենց այն ժամանակ, երբ Եվրամիությանը միանալու Թուրքիայի ձգտումները սկսել էին նոր թափ հավաքել:
«Կարևոր է երաշխավորել, որ երկրի դատական մարմինները գործեն առանց խտրականության կամ նախապատվություններ տալու», – լրագրողների հետ հանդիպման ընթացքում ասել է Եվրոպական խորհրդի նախագահ Հերման վան Ռոմպոյը:
Կարդացեք նաև
Համատեղ անցկացված մամուլի ասուլիսի ժամանակ Եվրոպական հանձնաժողովի նախագահ Ժոզե Մանուել Բարոզոն, դիմելով վարչապետ Էրդողանին, նշել է, որ իրավունքի գերակայության և դատական մարմինների անկախության սկզբունքի նկատմամբ հարգանքն ընկած է ժողովրդավարության հիմքում և հանդիսանում է Եվրամիության անդամակցության պարտադիր պայմաններից մեկը:
Արմեն Հովհաննիսյան
Նյութի մանրամասները կարդացեք սկզբնաղբյուր կայքում
