«Նախորդ տարվա ընթացքում, Տավուշի մարզում հակառակորդը հրադադարի ռեժիմը խախտել է մոտ 1600 անգամ, այն դեպքում, երբ մեր պատասխան կրակը եղել է գրեթե 2 անգամ քիչ: Դա չի նշանակում, որ մենք վախենում ենք պատասխան կրակ բացել, ուղղակի մենք աշխատում ենք կրակ բացել ծայրահեղ դեպքերում»,- հունվարի 22-ին «Մեդիա կենտրոնում» տեղի ունեցած ասուլիսի ընթացքում հայտարարեց պաշտպանության նախարարության Զինված ուժերի օպերատիվ վարչության ներկայացուցիչ, գնդապետ Անդրանիկ Մկրտումյանը:
Նրա խոսքերով՝ Պառավաքար-Վազաշեն հատվածում 2013 թվականի ընթացքում եղել է 3 զոհ, 11 վիրավոր, որոնցից 2-ը՝ քաղաքացի:
Տրանսպորտի եւ կապի նախարարության տրանսպորտի ԾԻԳ պետական հիմնարկի տնօրեն Ալեքսանդր Բախտամյանը տեղեկացրեց, որ կառուցվող նոր ճանապարհը լինելու է 3.2 կմ, այն սպասարկելու է Պառավաքար եւ Վազաշեն համայնքները, հանդիսանալու է շրջանցիկ ճանապարհ գործող ճանապարհին: Ճանապարհի երթեւեկելի մասի լայնությունը լինելու է 6-7մ, ընդհանուր հսկողային պաստառի լայնությունը՝ 10մ: Այն, գործող ճանապարհի համեմատությամբ, 1.8կմ-ով կկրճատի երթեւեկությունը:
Ճանապարհը վերջնական տեսքով նախատեսվում է շահագործման հանձնվել սույն թվականի հունիս ամսի վերջին. «Անվտանգության նկատառումներից ելնելով՝ կառուցվելու են լրացուցիչ պաշտպանիչ պատնեշներ, տեղադրվելու են ճանապարհային երթեւեկության անվտանգության տարրերը, մասնավորապես՝ ճանապարհային նշաններ, 1150մ մետաղական արգելափակոց եւ համապատասխան նշագծում»:
Կարդացեք նաև
Այն հարցին, թե ավելի հեշտ չէր լինի՞ վերանորոգել 2 այլընտրանքային ճանապարհներից մեկը, պարոն Բախտումյանը պատասխանեց, որ հնարավոր էր վերանորոգել, բայց պետք է նաեւ հիշել, որ այդ ավտոճանապարհը սպասարկում է մի քանի համայնք. «Բացի խաղաղ բնակչությանը ծառայելուց, նա ծառայում է նաեւ զինվորական նպատակներին, այսինքն՝ մենք պետք է ունենանք նաեւ հուսալի ճանապարհ այդ ուղղությամբ»:
Ամի ՉՒՉԱԿՅԱՆ
Եթե նոր կառուցվող շրջանցիկ ճանապարհը մասնակի է ապահովելու երթևեկի անվտանգությունը, ինչու է կառուցվում կամ ինչպիսի գործոնների ազդեցության ներքո մարզպետը հասավ իր նպատակին: Ավելի քիչ գումարով կարելի էր ներկայիս վտանգավոր հատվածին դեպի հակառակորդը կորություն տալով հարցը լուծել, նամանավանդ, որ տեղանքը նմանատիպ հնարավորություն տալիս է:
Հետաքրքիր է իսկ ինչ է պատրաստվում առաջարկել ԾԻԳ-ի տնօրեն պ-ն Բախտամյանը բոլոր այն սահմանամերձ գյուղերի բնակիչներին, ովքեր ամենօրյա կրակի տակ են ապրում ու աշխատում…:
Կարծում եմ նախատեսված գումարից անհամեմատ քիչ գումարով կարելի էր գործող ճանապարհը դարձնել անվտանգ/քանի նորակառուցը անվտանգ պետք է դառնա հենապատնեշների շնորհիվ/:Մնացած գումարով էլ կարելի էր այլ հարցեր լուծել:Ամեն ինչ շատ խոսում է ,,օտկատների,, մասին………………