Վարչապետի համաձայն, հնարավոր է, որ կառավարությունն այլընտրանք չունենա
Ըստ «Ամերիկայի Ձայն»– ի, Ուկրաինայի վարչապետ Նիկոլայ Ազարովը զգուշացրել է հակակառավարական ցույցերի մասնակիցներին այն մասին, որ երկրի իշխանությունները կարող են ստիպված լինել ուժ կիրառել նրանց նկատմամբ:
Այս մասին հայտարարությամբ Ուկրաինայի վարչապետը հանդես է եկել Ռուսաստանի «Ռոսիյա 24» հեռուստաալիքին տրված հարցազրույցում: Վարչապետ Ազարովի համաձայն, եթե «սադրիչները» չդադարեցնեն բախումների հրահրումը, իշխանությունները կարող է այլընտրանք չունենան:
Ուկրաինայի վարչապետը հույս է հայտնել, որ բազմաթիվ հարցեր հնարավոր կլինի կարգավորել բանակցությունների սեղանի շուրջ:
Երկրի նախագահ Վիկտոր Յանուկովիչն այս ընթացքում հանդես է եկել հայտարարությամբ, որի համաձայն ինքը պատրաստ է հանդիպել ընդդիմության առաջնորդների հետ:
Կարդացեք նաև
Ռուսաստանի արտգործնախարար Սերգեյ Լավրովը երեքշաբթի օրն ասել էր, թե «իրավիճակն Ուկրաինայում դուրս է գալիս վերահսկողությունից»:
«Այժմ տեղի են ունենում ջարդեր, ոստիկանության ծառայողների դեմ ուղղված հարձակումներ, հրկիզումներ, կիրառվում է դյուրավառ հեղուկ, պայթուցիկ սարքեր: Սարսափելի է: Այն միանգամայն խախտում է Եվրոպական բոլոր նորմերը», – նշել է Ռուսաստանի արտգործնախարարը:
Արմեն Հովհաննիսյան
Նյութի մանրամասները կարդացեք սկզբնաղբյուր կայքում
