«Եղեգնաձորի բժշկական կենտրոն» պոլիկլինիկական ծառայությունները կտեղակայվեն բժշկական կենտրոնի հիվանդանոցային մասնաշենքում` բացառությամբ ռենտգեն ծառայության: Ինչպես տեղեկանում ենք կառավարության նիստի օրակարգից, պոլիկլինիկան տեղափոխվում է մարզային բուժհիմնարկների օպտիմալացման ծրագրով:
Կառավարությունը որոշել է պոլիկլինիկայի մասնաշենքը եւ նրան պատկանող հողամասը հանձնել պետական գույքի կառավարման վարչությանը: Մինչեւ 2014 թվականի առաջին կիսամյակը «Եղեգնաձորի բժշկական կենտրոն»-ի մահճակալների քանակը պետք է 50-ից հասցվի 45-ի:
Համաձայն նույն որոշման, «Եղեգնաձորի բժշկական կենտրոն»-ի ինֆեկցիոն ծառայությունը կտեղափոխվի «Վայքի բուժական միավորում» ՓԲԸ:
Լուսինե ԲՈՒԴԱՂՅԱՆ
