«Արթիկ» քրեակատարողական հիմնարկի բանտարկյալ Արթուր Այվազյանի` Մանախի մեղադրանքներին՝ հոկտեմբերի 27-ի գործով կեղծ ցուցմունքներ կորզելու վերաբերյալ դատախազ Գագիկ Ջհանգիրյանը չցանկացավ պատասխանել: Նա մեզ հետ զրույցում լսեց իր հասցեին ուղղված Մանախի բոլոր մեղադրանքներն ու ասաց. «Չեմ մեկնաբանում: Լավ եղեք»,- եւ անջատեց հեռախոսը:
Հիշեցնենք, որ Արթուր Այվազյանն ասել էր, որ դատախազներ Գագիկ Ջհանգիրյանը, Աղվան Հովսեփյանը, Աշոտ Մելիքջանյանը, ԱԱԾ նախկին պետ Կառլոս Պետրոսյանը, Հրաչյա Հարությունյանի ջանքերով հոկտեմբերի 27-ի կազմակերպիչների մասով, Վահան Շիրխանյանի եւ Կոմանդոսի դեմ կատարած մահափորձի, Սամվել Առաքելյանի սպանության ու մնացած բոլոր գործերի մասով փորձել են կեղծ ցուցմունքներ ստանալ իրենից:
Աղվան Հովսեփյանի խորհրդական Սոնա Տռուզյանն արդեն արձագանքել է մեղադրանքներին` դրանք համարելով հերյուրանքներ:
Արփինե ՍԻՄՈՆՅԱՆ
