Բռնությունները և լարվածությունը շփման գծի երկայնքով վտանգում են բանակցային ճանապարհով Լեռնային Ղարաբաղի հակամարտության կարգավորման ջանքերը:
Ըստ «Ազատություն» ռադիոկայանի, այդ մասին հայտարարել է ԵԱՀԿ-ի Մինսկի խմբի համանախագահ Ջեյմս Ուորլիքը՝ արձագանքելով Ղարաբաղի և Ադրբեջանի զորքերի շփման գծում կիրակի լույս երկուշաբթի գիշերը տեղի ունեցածին:
Twitter-ում իր գրառման մեջ ամերիկացի դիվանագետը ափսոսանք է հայտնում այդ իրադարձությունների հետևանքով մահվան դեպքի կապակցությամբ:
