«Ես հպարտ կլինեի, եթե ես էլ համարվեի կենսաթոշակային բարեփոխումների կնքահայր»,- այսօր այս մասին ասաց աշխատանքի եւ սոցիալական հարցերի նախարար Արտեմ Ասատրյանը՝ պատասխանելով լրագրողների այն հարցին, թե Ռոբերտ Քոչարյանի գրասենյակից հայտարարել են, թե իբր նախարարն է այդ բարեփոխումների կնքահայրը:
Պարոն նախարարն ասաց, որ կենսաթոշակային բարեփոխումների համակարգը մոտ տասը տարի մշակվել է, քննարկվել, դրա վրա աշխատել է մասնագիտական խումբ, ներկայացվել է լրագրողներին, քննարկվել բոլոր շահագրգիռ կողմերի հետ:
Կենսաթոշակային կուտակային պարտադիր համակարգի վերաբերյալ պարոն Ասատրյանն ասաց, որ համամիտ չէ այն կարծիքին, թե անվստահություն կա. «Մի քանի տարի հետո բարեփոխումների արդյունքները կերեւան, եթե մի փոքր ցանկություն լինի՝ կտեսնեն»:
Այսօր Արտեմ Ասատրյանը ներկայացրեց նաեւ նախարարության գերակա խնդիրները, որոնցից են զբաղվածության քաղաքականության նոր մոդելի ներդրումը, ինտեգրված սոցիալական ծառայությունների տրամադրման իրավական դաշտի ամբողջականացումը եւ համալիր սոցիալական ծառայություններ տրամադրող եւս 10 տարածքային կենտրոնների լիարժեք գործում, անձի բազմակողմանի գնահատման՝ ֆունկցիաների միջազգային դասակարգման սկզբունքների վրա հիմնված հաշմանդամության սահմանման մոդելի ներդրման հենքի ստեղծում:
Կարդացեք նաև
Մանրամասները տեսանյութով՝
Նելլի ԲԱԲԱՅԱՆ
