Եվրոմիությունն Ուկրաինայի հետ կապված հայտարարություն է տարածել, որտեղ իր անհանգստությունն է հայտնել հունվարի 16-ին ընդունված օրենքների մասին և իշխանություններին կոչ է արել չեղյալ համարել այն: Հայտնում է ուկրաինական «Ինտերֆաքս»-ը:
Հիշեցնելով Եվրամիության արտաքին քաղաքականության հարցերով հանձնակատար Քեթրին Էշթոնի հունվարի 17-ի հայտարարությունը (նա Յանուկովչին հորդորել էր նշված օրենքները համապատասխանեցնել միջազգային պարտավորություններին)՝ ԵՄ-ն ընդգծում է, որ ընդունված օրենքները «Զգալիորեն կսահմանափակեն Ուկրաինայի քաղաքացիների հավաքներ իրականցնելու հիմնարար իրավունքները, ԶԼՄ-ների աշխատանքը և լրջորեն կսահմանափակեն քաղաքացիական հասարակության գործունեության վրա»:
«ԵՄ-ն Ուկրաինայի իշխանություններին կոչ է անում չեղյալ համարել այդ փոփոխությունները, այնպես, որ օրենքը համապատասխանի Եվրոպայի և միջազգային հանրության առջև Ուկրաինայի ստանձնած պարտավորություններին», – ասված է հայտարարությունում:
ԵՄ-ն նաև Կիևի բախումներում բոլոր ներգրավված կողմերին հանդարտվելու և երկխոսության միջոցով լուծումներ գտնելու կոչ է արել, և կրկին հայտնել Ուկրաինայի հետ ասոցացման պայմանագիրը ստորագրելու իր պատրաստակամությունը:
Կարդացեք նաև
Հունվարի 19-ին Կիևի խաղաղ ցույցերը վերածվել էին բռնությունների՝ խոսքի և հավաքների ազատությունը սահմանափակող ընդունված օրենքների պատճառով:
Պատրաստեց Հովհաննես ԻՇԽԱՆՅԱՆԸ
