Շախմատի Հայաստանի բարձրագույն խմբի կանանց 69-րդ առաջնության` այսօր մեկնարկած նախավերջին տուրից առաջ միանգամից չորս շախմատիստներ հավակնում են չեմպիոնի կոչմանը:
Յոթերորդ տուրից հետո կանանց միջազգային վարպետ Նարինե Գասպարյանը եւ Շուշաննա Սարգսյանը 5,5-ական միավորով բաժանում են 1-2-րդ հորիզոնականները: Նրանց կես միավոր են զիջում կանանց ՖԻԴԵ-ի վարպետ Մարիա Գեւորգյանն ու Սիրանուշ Ղուկասյանը: Ամենայն հավանականությամբ հենց այս չորս շախմատիստուհիներն էլ միմյանց միջեւ կորոշեն, թե ով է ավելորդը մեդալների համար պայքարում:
Ի դեպ, չեմպիոնուհու հարցը կարող է լուծվել արդեն այսօր, երկու առաջատարների` Նարինե Գասպարյանի եւ Շուշաննա Սարգսյանի անձնական հակամարտությունում:
Աշոտ ՀԱԿՈԲՅԱՆ
Կարդացեք նաև
Լուսանկարը` Chessfed.am-ի
